Det mellombelse Aasentunet

Strandavisitt med trønderpreg!

2007-02-25T22:12:00.000+01:00

Me e also so heldige me perane! Her kjeme kanaljane frå barteland rekande rett so d e, t perfekt tid; når me e på vei heim t fagre ulsteinvik - bere teiming ska en leite længe ette! å bere kvalitet på dei 17 timane d gjekk frå me traff dokke t me for frå stranda ska en leite lenge ette!

å meir heldige enn me tre pavelsperane va so fekk overnatte me syskjenban Cecilie pluss Stian å Tuva ska godt gjerast å vere! Stor og god gjestfridom!!

godt muli d kjeme meir rapporta frå åtgaumen me samkøyrde i låmene kring strandafjellet skisenter - for d va i sanning frævleiksbasert!

Strandafjellet lokkar!

2007-02-20T12:24:00.000+01:00

Puh! No kan eg endeleg puste ut! Påmeldinga til Strandaturen har gått av stabelen, og eg fekk plass - heldigvis! Då er det berre å fokusere på skulearbeidet som må til får å fortjene x antal dagar med sunnmørsk pudder. Ei oppgåve i pedagogikt, og ei i matemagikt...

Stranda, pudder, bobil, film, foto, snø, sol frå skyfri himmel, Hevsdalsheimen, gode vener - orda kling som musikk i mine øyrer!

Pant

2007-02-18T18:18:00.000+01:00

Denne helga har vore pant, rett og slett. Med tanke på ski sjølvsagt. Difor seier eg det. Sidan det stort sett er det som står i hovudet mitt for tida. Ski altså. Og pant. Pant seier du? Ja, pant. FOrdi eg må pante relativt mykje tid til oppgåveskriving. Pedagogikt kallar dei det. No forstår eg endeleg kvifor folk seier at dei kjenner på gikta. Det er pedagogikta det er snakk om!

Men frå spøk til revolvar, så har eg hatt ei bra helg trass panten! Eg har fått servert nydeleg middag to gongar, med påfylgjande speling i beste grimstingånd, og eg har sett film og vore på KRIK-messe. Har til og med lagt inn innlegg på bloggen med tittelen pant! Sært i seg sjølv... Tyder på lite motivasjon til anna meir vetugt arbeid... Roleg helg følest det som, men det har visst skjedd litt likevel. Eg har gitt kroppen den truleg naudsynte kvila den gav beskjed om at den trong, utan å verte heilt frisk på flekken slik eg skulle ynskje... Menmen - til fredag er eg nok frisk som ein fisk, klar for Strandafjellet, heimeliv og fagre Sunnmøre sin gode påverknad på alle vis!

Styretur med KRIK - Hallingskeid 10.-11.2

2007-02-16T17:36:00.000+01:00

10.-11. februar hadde me ein framifrå styretur til Hallingskeid der me fekk myldra kring vidare KRIK-drift, sveisa oss godt saman og nytt Guds fantastiske natur! Betre vêr enn laurdagen kunne by på skal ein leite lenge etter! Fleire bilete av sosial omgang og leik i snøen kan du skode her om du vil.

Eikedalen IGJEN! 9.2

2007-02-16T17:29:00.000+01:00

Eikedalen lokkar- IGJEN!! Den gode perioda held fram, no med Eikedalen fredagen i same veka! Det gjeld å nytte høvet når det er gode tilhøve i Bregn og omegn, noko me har ei kjensle av å ha klart nokonlunde bra i det siste! Idag var vår kjære Hanne også med oss, i tillegg til kompis Anders. Rett triveleg hadde me det, både i låma og utanfor låma! Det er fleire bilete å skode frå denne turen og, om du trykkjer her!

Hybelkveld hjå Pavelsperane 7.2!

2007-02-16T17:22:00.000+01:00

Aktiv periode for tida! Det gjeld å gi gass når ein kan, og det veit me pavelsperane å gjere!! Me var ferdig med store oppgåver kring den helga me var i Myrkdalen, og peiste på med ski torsdagen, som dykk kan skode under. Onsdag var det tid for stormvask av kåken, før me opna den fint pryda inngangsdøra vår for KRIK-allmugen. Storstas med nærare 60 godlynte lekamar på vitjing!

Her ser du nokre biletprov på hendinga, og fleire har du høve til å skode her om du vonar.

Eikedalen i HINSIDES fint ver!

2007-02-16T17:13:00.000+01:00

Ei god skiperiode er i emning.. Myrdalen i helga, og no Eikedalen med ein liten gjeng på tirsdagen etter. Dei heldige perane og perinnene som fekk nyte pudder og blå himmel var oss tre pavelsperane pluss Kriss og Pæm - ein priviligert gjeng! Skod fleire bilete her!

KRIK-tur til Helgatun i Myrkdalen!

2007-02-16T17:10:00.000+01:00

Me hadde ein framifrå tur, med mykje lått og løye! Skod bileta her.

"Som ei dronning..."

2006-12-19T11:04:00.000+01:00

"Som ei dronning millom møyar,
ut mot havet der i vest
ligg ho kransa av små øyar,
og i livd for storm og blest
I mot sør i bakkehellet,
kringom blenkjer våg og vik
og mot nord i ly av fjellet, der ligg bygda Ulsteinvik!"

Signa godt å vere heime på juleferie - det skal nytast til fulle! Signa julehøgtid og godt år til deg på din heimstad!

Tobias på vitjing - Åtgaumsbasert helg!

2006-12-03T22:54:00.000+01:00

Den hyppige bloggaren Magnus slår til! Det har vore ei innhaldsrik helg med min kjære bror på vitjing. Me har vitja Hanne Marte, vore på "jobbintervju"/synfaring og vore i Norkyrkja, i tillegg til alt det spanande du finn nedanfor. Vert å merke seg at Gollongen fekk seg jobb, så no er alt berre velstand for planane etter militæret, bortsett frå manglande kåk...

Fredag kveld var ein gjeng grimstingar/ulsteinvikingar med relasjonar samla heime hjå Siljus og kompani i Fyllingsveien 31 for å lage pepparkakehus og kome i julestemning! Det var i sanning gildt, og me fekk attpåtil godkjent Silje sin utkåra, Jostein, ved å grille han med meir eller enda meir seriøse spørsmål. Han vart kanskje litt skremd av oss, men ikkje meir enn at han framleis er på taalefot med oss,hehe;) Du var i sanning ein likandes kar, Jostein!

At pepparkaakehusgledja vart noko amputert "dagen derpå" grunna klimaet hjå kjeksene i Fyllingsveien 31, skal eg ikkje utdjupe noko nærare grunna fare for svekka julestemning, men du kan lese meir om det inntrufne på lekkjen over!

Elles hadde me jolebadl i Student-KRIK Bergen igår, noko som i sanning var ein fest! Årets "DanseFotBall" svarde til forventningane med eit innhaldsrikt program og god stemning. Legg ved nokre bilete, og viser til "Galleriet" på Student-KRIK Bergen sine sider om dykk ynskjer å skode meir.

Idag vakna eg smått utrulege 13.45(!) Herleg "dagen derpå";)

Oppdatering frå Maasen: KRIK, swing mm!

2006-11-10T16:26:00.000+01:00

Jubel! Endeleg er KRIK T-skjortene her! Det gledar mitt KRIK-hjarte djupt og inderleg å endeleg få varene ut til folket. Biletglimta er henta frå swingkvelden torsdag der Steinar tok nokre herlege bilete til glede for alle som kjem innom "Galleriet" vårt på skb.krik.no Ta gjerne turen innom for å skode både det og alt anna som skjer i Student-KRIK Bergen!

Elles går livet godt her i Bregn. Eg har avslutta praksisen min for hausten. Det var 5 åtgaumsbaserte veker, henholdsvis fire på ungdomstrinnet (8. og 10. klasse) og ei i 2. klasse. Eg likte begge deler veldig godt, så no er eg open for å jobbe i heile grunnskulen, folkehøgskule - og eigentleg andre undervisningsinstansar også!

Ikveld kjem Kjell Øystein på vitjing for helga. Det vert triveleg! Tida framover vil verte litt meir prega av skule enn eg likar, med 14 oppgåver og eksamenslesing. Menmen, slik er livet som student - ei god blanding av moro og blodig alvor... ;)

Haretur

2006-10-07T13:58:00.000+02:00

Det var ein fredag Mario "Ej lika å stå i bar overkropp" Luigivåg trong litt skulefri, at han tok vegen innom eldstemann Hatløy for å søkja husly. Saman kveikte dei ein plan om frævleik i Vartdalsfjella, men då laurdags morgon kom var det heilgrått og regn, så planen vart endra til ein tur ikring i Hoðrfjella. Dette skulle vise seg å verte noko dei ikkje angra på, for etter å ha gått via Kiberget/Nevstadnipa, over til Storebroren og Sarshornet, så strena dei ret mot Mosvarden. Dykk kjenner gjerne til "Hoðr låmleik"-åstaden, som no også ber tilnamnet "harekåken". Det hadde seg nemleg slik at harepusen Luigi la seg til under ein hellar. Med eit dukka ein annan harepus opp, tydeleg interessert i å kome på vitjing til oss. Eller var det me som kom på vitjing til han? Ja, i sanning! Det var det visst! For etter 10-15(!) minutt med haren luntande ikring oss (på det næraste berre ein meter ifrå), så drog han oppover låma. Då leitte me om det kunne vere bupelen hans som lokka han til desse traktene sjølv om me var ringside, og ja, i sanning, det var det! Der fann me holet som bar ned i bustaden hans. Det låg faktisk eit par soppar nedi der, så no veit dykk at haren et sopp!

Det gode liv - Eit døme

2006-10-02T16:34:00.000+02:00

Åretak. Glidande ro. Styrkande fagre omgjevnadar. Styretak. Eg nyt det. Det plaskar så smått, men det er ikkje bråk. Berre kræe som hoppar.

Stemmer, men ikkje såd. Bålkos, latter. Snop. Bollar. Pannekaker. Omelett. - Mangfald i matavegen. Broderleg deling.

Lovsong. Takk til han som har gitt oss høve til å oppleve alt dette. Nyte roa. Nyte stjernehimmelen og nordlyset. Nyte naturen. Nyte skaparverket. Takk Gud!

Aasentunet relansert!

2006-10-02T16:03:00.000+02:00

Eg gjer ein ny freistnad i "skriv-om-deg-sjølv-på-verdsveven"-verda! Friskt mot vil ikkje automatisk føre med seg noko som liknar suksess, men der det er slåp er det håp, så no skal den o store "glåp" mellom førre innlegg og dette ikkje oppattakast. Fylg med, flyg med!

Livet smiler til Maasen!

2006-05-02T13:40:00.000+02:00

KRL10-oppgåva er levert, så no skuldrane kan senkast igjen. Det har skjedd mykje bra i KRIK i det siste, med valg, CHRISC-løp, utfordrande og resultatgivande KRIK-messe og no idag skal me ha siste/fyrste ballsportstyremøte for gamle/nye, i tillegg til fyrste/siste hovudstyremøte for HS. Ser verkeleg fram til å tre inn i leiarvervet i Student KRIK Bergen til hausten! Det er eit stort privilegie å verte vald til det, som eg gler meg stort til å ta til på! I sanning godt å få vere med å gi noko til andre gjennom KRIK!

Det som ikkje smiler like breiddt enno, er eksamenane som ventar. Men slikt høyrer med. Alt kan ikkje berre vere velstand heller. For då hadde det ikkje vore velstand. Tenk over det;)

Only Grace

2006-04-18T01:26:00.000+02:00

There is no guilt here There is no shame
No pointing fingers There is no blame
What happened yesterday has disappeared
The dirt has washed away
And now it's clear

There's only grace
There's only love
There's only mercy
And believe me it's enough
Your sins are gone
Without a trace
There's nothing left now
There's only grace

You're starting over now Under the sun
You're stepping forward now A new life has begun
Your new life has begun

And if you should fall again
Get back up, get back up
Reach out and take my hand
Get back up, get back up Get back up again

- Matthew West & Kenny Greenberg

Hodr Låmleik har vorte røyndom... fræv røyndom!

2006-04-14T03:07:00.000+02:00

Glimt frå elvesprett (Uforståelegnemning for deg? Tenk "Road Gap", berre at det var ei elv...) på "Hodr låmleik", skjærtorsdag, i nordvestleg retning for Mosvarden. Ein åtgaumsfylt dag, vel verdt turen! Eller kva, karar?

Pudder på Stranda i påskeferia!!

2006-04-12T14:28:00.000+02:00

Me var 3 bilar frå Hareidlandet som kosa oss på Strandafjellet. Eg let bileta tale for seg sjølv:

Sunnmørspylsevev

2006-03-19T13:23:00.000+01:00

Kven skulle tru, at nokon kunne bu.. Nei, det var ikkje det eg skulle skrive! Kven skulle tru, at Magnus skulle bu... Slik var det. Eg held fram ...i Ulsteinvik i veke 11! Jau, slik vart det! Kjell ringde meg fredags ettermiddag i veke 10 og spurte om eg var interessert i å vere vikar ei veke, fom torsdag. Eg sjekka om eg kunne innvilge meg slike goder, og fann ut at: Ja, høgskule er ein fin ting. Er det relevant, så går slikt an. Har faktisk lese medan eg har vore her heime også. Når rapportane frå underdisninga seier dørgande kjedeleg, har eg ikkje litt dårleg samvit ein gong:) Det einaste minuset no er at snøholeturen med troppa vart avlyst grunna veret (Les: Regn), og at det har smelta vekk ein god del snø her heime, men det lyt eg leve med! Eg har trass alt fått jobba ein god del og tjent verdifulle grunkar til bilfinansiering. No skin i sanning sola inn vindauget også. Eg trur eg lyt ta eit avbrekk i avbrekket frå pedagogisk psykologi-lesinga for å ta ein tur til fjells. Brørene. Smak på det. Godt, eller kva? Ja. Det tykkjer i alle fall eg. Sunnmørspylsevev? Nei, teksta handlar ikkje om noko pylsevev. Det einaste måtte vere måren eg har ete. Mmm. Men det var eigentleg berre eit blikkfang det. Det fungerte godt ser eg, for du las heile artikkelen;)

Sunnmørssvev!

2006-03-08T00:02:00.000+01:00

Jåo, vyrde frendar! Cj beordra meg til å vere kul, så eg tenkte: ja, kvifor ikkje! :p

Skikkeleg morosam dag! Me bygde hopp i Skåla nedanfor Saudehornet og Nivane. Er du i nærleiken, så ta gjerne turen opp og freist lukka, så lenge hoppet er der.

Legg ved nokre bilete tekne av CJ. FIlma litt sjølv, men det kjem vel ikkje ut i rampelyset med det aller fyrste. RTT - Redigering tek tid...

Mystiske Maren

2006-03-03T18:59:00.000+01:00

Ikkje særleg mystisk når ein får skode bilete, tenkjer du no. Jau, det var mystisk. Mystiske Maren. Kjeksa som la inn innlegg på Kølleweb, til og med med eit stot bilete av seg sjølv. Som om det var den naturlegaste sak. Kred verdig. Difor denne artikkelen. Eg er veldig opp og ned med oppdateringa her, men no var det på tide. Og høveleg. Det er trass alt ei typsik blogg-sak. Bloggarinna som bloggar med fynd, klem og bikini på. Nyfiken no? Då har du ein heil del lesestoff framføre deg. www.kolleweb.com. Men fort deg. Artiklane forsvinn fortare ut enn du rekk å finne ut kven denne mystiske gjesten eigentleg er.

No skal eg på KRIK for å møte gode gamle frendar, nye folk og vonleg Sjefen sjølv. Håpar på eit sprudlande ord for dagen idag. Gårsdagengav med noko åndeleg sett. Håpar eg. Trur eg. Lagsmøte. Forbønn. Godt! Kristenlivsgløden er heva. Vonleg. Ja, det trur eg. Takk skal du ha, mister;) Ære!

Stranda introduserar "studieveka"!

2006-02-26T21:41:00.000+01:00

Torsdag bestemte me oss for at me fredag etter skulen skulle reise strake vegen til Stranda, der køllene Kriss & Henn venta, saman med resten av student-KRIK Trondheim og min kjære bror og hans frende Luigi..nei..Mario!

Det vart i sanning ein vellukka vri på heimreisa! Gled dykk til filmen, seier eg berre! Spaningsmomentet litt i kor kjapt den vert ferdig,hehe..

Godt å vere heime no! Vert verande til neste mandag - herleg! Vonleg mykje ski og ein del jobbing:)

Har vore lite oppdateringar å skode her på bloggjen i det siste. Men slik er det med bloggarlivet som livet elles - Det går opp og ned. Hehe. Har ikkje vore særleg ned i humør og den slags, misforstå meg rett, men i oppdateringstrott har eg vore litt nede. Difor ikkje noko før no. Ta det, eller lat det vere, som dei seier i eit engelsk uttrykk...

Strynvitjing til fam.Netland

2006-02-01T14:57:00.000+01:00

Men før veke 5 kjem søndag i veke 4, og den skal brukast til topptur på Natakupa! Etter toppturen laurdag kom nemleg Kjell Øystein innom Nordfjord og slo av ein liten prat med lærar Per, før han tok meg med seg til Stryn.
Der venta ein utruleg god pizza som broren Runar laga, før me kvelva allereie i 10-tida. Det gjorde godt med ein 11 timars blund, før me tok til på den strabasiøse turen mot toppen av Natakupa...
Den turen kan oppsummerast slik: Kjellø si binding datt av før me var skikkeleg igong, så han måtte nedatt for å låne ski på skisenteret. Då var trekket kjekt å ha, så me slapp å avbryte heile turen! Etterkvart hadde me sikt på omlag 5 meter, i alle fall ikkje meir... Me måtte snu før toppen. Beina saug litt lut, omlag 4 desiliter, men det var moro likevel:) Føret var fint over omlag 700m. Alltid konge med fint føre!

Vel nede på prestegarden i Stryn venta ein framifrå middag, før eg kasta meg på bussen til Bergen, saman med Jon Fosse. Det hadde vore ei innhaldsrik veke. No venta kvardagen igjen, med diktanalyse, praksisplanlegging, eigenlaga middagar, osv. Det vert litt omstilling ja, ikkje til å stikke under ein stol det... Men for ei veke:) Den var verdt kvart eit minutt ekstra som eg må ta att av lekselesing, utan tvil! Men no skal eg på evalueringsmøte for Kanonballet med KRIK! Så no kan eg ikkje skrive meir! Fred ut.

Å ja, du stussa på at eg tok bussen saman med Jon Fosse. Eg las boka utan punktum: Det er Ales. Spesiell, men lesverdig! Godt skriven. Det var forklaringa. Atter ein gong, fred ut.

Nordfjordvisitt

2006-02-01T14:40:00.000+01:00

Busstur til skulen
Eg sat på med skulen, biletleg sett, og kom fram til skulen ut på kvelden etter ein triveleg busstur saman med Bua (Bu- og arbeidstrening) og nokre elevar. Bua skapar sanneleg liv i leiren! Skikkeleg festleg å lytte til Geir Ove og Narve si ordveksling om det var kosleg eller ei med øl i åremålsfeiring. Krangelen gjekk omlag slik: "Øl, koseli" "Nei, Brus!" "Øl, koseli" "Nei, Brus!" "Øl, koseli" "Nei, Brus!" "Øl, koseli" "Nei, Brus!" "Øl, koseli" "Nei, Brus!" 2 festlege karar:)

Opphald
Fredagskvelden gjekk med til kortspeling, før me tidleg gjekk til sengs. Me var trass alt trøytte etter ei heil veke på ski! Litt rart å vere her med ikkje fleire folk enn at alle får plass rundt eit bord i matsalen...

Topptur på Berdalsegga
Neste morgon bar det til Berdalsegga saman med Lars Ove stipp, Nils Gunnar, Jone, Ingrid, Kristine og Steinar. Ein fin tur, trass overskya ver. Men 5 skidagar etter råkes merkast godt i beina på veg nedatt... Beina gler seg til veke 5 sidan den ikkje inneheld fullt så mykje skilauping. Resten av lekamen meg gler seg ikkje på den same måten til mindre ski kan du sei...

Hytteloftdal med NF!

2006-01-31T19:11:00.000+01:00

HEMSEDAL med Nordfjord

Toby & Vegz, men speidar du i rett retning då, Vegz??

Veke 4 var av dei bedre vekene denne vinteren. Det vågar eg å seie allereie no. Eg var nemleg, som førre innlegg indikerte, i Hemsedal. Der instruerte eg i telemark for årets elevar på Nordfjord FHS - den beste folkehøgskulen i landet, spør du meg;) (Kanskje litt innhabil sjølv, men det får så vere:) Det var retteleg gildt, med mykje frævleik på ski. Eg fekk stått mykje saman med min kjære bror. Det var gildt. Elles fekk eg møtt både hans frendar og medelevar av meg frå mitt kull. Me var nemleg heile 5 frå mitt kull som var med som instruktørar! Gildt både å treffe dei att, og å treffe Tobias sine frendar! Berre for å gni litt inn hjå dei av dykk som har ei kjensle av at det har vorte litt for lite ski hittil i vinter, så kan eg frette at eg stod i bakken 4 dagar pluss 2 kveldar, før eg drog vidare til neste åstad for skiutflukter, nemleg sjølvaste Ljosborg!

Toby inn for landing etter eit særs heftig dropp!

Hemsedal, veke 4

2006-01-19T15:45:00.000+01:00

Neste veke skal eg til Hemsedal saman med Nordfjord FHS der Tobiasbror no går for å vere instruktør i telemark. Siste rapport frå Hemsedal seier 40cm nysnø..40CM PUDDER!!
Gler eg meg? Nja, nja, nja, JAAAAAAAAAAAAAA!

Livet er forresten i gong på jokerpoker.tk. Ta ein skod om du lystar.

Djåoka-påoka har fått nytt liv!

2006-01-18T15:02:00.000+01:00

Endeleg er sida på plass igjen! Biletet viser eit skjermbilete frå www.jokerpoker.tk

Saksa frå nettstaden:
"Endeleg er den frævleiksbaserte relasjonsåstaden erklært for opna igjen!
I lengre tid har eg arbeidd med å få jokerpoker.tk på beina att, men rikeleg med motvilje frå verdsveven har diverre stogga meg. No har eg fått trua på at blogger.com kan levere for frendane med base i nordvest. Verkeleg fått trua. Difor har eg etablert jokapoka.blogspot.com"

Håpar det kan vere til nytte og glede for Tobias og gjengen!

jokerpoker.tk

2006-01-17T15:29:00.000+01:00

I lengre tid har eg arbeidd med å få jokerpoker.tk på beina att, men rikeleg med motvilje frå verdsveven har stogga meg. No har eg fått trua på at blogger.com kan levere for frendane med base i nordvest. Difor skal eg gjere ein freistnad på å etablere jokerpoker.blogspot.com
Det vert spanande å fylgje med i utviklinga!

Haiku-dikt

2006-01-16T11:19:00.000+01:00

På toppen
eit framifrå syn
snart nedover

Mitt fyrste bevisste haiku-dikt! Så frå no av heiter eg Magnus "Haiku" Hatløy, hehe. No lurer du kanskje på kva diktet handlar om? Biletet er kanskje noko avslørande, men det kom fram då klassa skulle tolke det, at det også kunne vere snakk om depresjonar, at det svingar opp og ned, eller at det kunne vere sumaren, og no bar det nedover mot mørkare tider og vinter... Mørkare tider og vinter??? Det er vinteren me gler oss aller mest til, er det ikkje det då? Eg stortrivst i alle fall då! For så vidt stortrivst eg heile året, men det er ei anna sak. I alle fall, her har eg no presentert mitt fyrste haiku-dikt. Spanande å sjå om det vert diktbok med det fyrste.

Ski, Voss Myrkdalen

2006-01-15T21:11:00.000+01:00

Idag var me karane utan gitarane på ski - jippi! Alltid godt å kome seg på ski, trass forhold som heldt til karakteren mædium. Men gildt var det, med sparkar og anna moro. Og fleire dagar i skilåmer hist og her skal det verta! Kjem sjølvsagt attende med meir, men diverre vart det lite filmproduksjon denne dagen, grunna etter måten overskya himmel/small sikt.

KRIK-trening numero uno

2006-01-11T20:48:00.000+01:00

Då er det historie. Mi fyrste trening med ansvar i Student-KRIK Bergen. Å det gjekk fint, trass litt komplikasjonar i skranken på veg inn. (Tok 20 min før eg slapp inn!)

Andakta også gjekk ganske bra trur eg. Fekk positiv tilbakemelding iallefall, men det ville eg kanskje fått uansett korleis det gjekk,hehe..
Snakka iallefall om det å vere trygg på det ein står for, og tore å invitere med seg folk på KRIK. Utfordra alle til å tenke på ein konkret venn, som dei gjerne måtte utfordre og vie litt ekstra tid. Håpar det kan bere frukter!

"Lat ingen sjå ned på deg fordi du er ung, men ver eit førebilete for dei truande i ord og gjerning, i kjærleik, truskap og reinleik". (1. Tim 4,12)

"For Gud gav oss ikkje ei ånd som gjer motlaus; vi fekk Anden som gjev kraft, kjærleik og visdom. Du skal ikkje skamma deg over vitnemålet om vår Herre". (2. Tim 1,7)

Topptursug...

2006-01-10T01:02:00.000+01:00

Gler meg til eg skal gjere slikt igjen. For eit herleg liv det er, når ein nyt fineveret til fjells! Veke 9 har eg vinterferie, eller studieveke om du vil. Då ber det lukst heim til dei fagre fjell i syningom. Då tek eg ikkje til takke med Kvamskogen og omegn. Då vil eg ha sterkare kost. Grøtdalstindane. Svinetinden. Åvasstinden. Vassdalstinden. Vakt dykk, for då kjem eg. Om ikkje på vitjing til alle, så i alle fall til nokre av dykk...

Årets fyrste fjelltur

2006-01-09T00:29:00.000+01:00

Måtte legge inn denne enkle montasja frå årets fyrste fjelltur. Pappa og eg var opp på Kiberget, eg hadde med miniskia som biletet viser. Moro! Faktisk litt laussnjo, så då er alt velstand ;-)

Oppfordrar til å leite fram gamle miniski i garasjer og på loft - Dei skaper mykje moro ut av lite snøressursar!

Skeissedag, Grimstadvatnet

2006-01-08T23:35:00.000+01:00

Ein del av gjengen avslutta den fræve juleferia med skeissegong på Grimstadvatnet. Ein flott dag, Sunnmøre verdig! Sjekk stilen deira - kvar med sitt særpreg. Eit herleg ensemble!

Nære band

2006-01-08T22:39:00.000+01:00

Eg fekk luven til å freiste lukka med litt poesi då eg tok dette biletet. Tykte det vart fint og gav inspirasjon. To korte dikt fylgjer.

Nære band
Band knytte.
Relasjonar bygde.
Nære.
Gode.
Vennskap.

Ljoset
Ljos.
Tryggleik.
Varme.
Ein felles ljosvoktar,
som gir liv-
til deg og dine greiner.
Ærast den som ærast bør. Amen!

Heimfjella sin fagerdom

2006-01-08T22:04:00.000+01:00

Eg har fått opna augo enno meir for fjella heime på Hod. Flott terreng, og FOR ei utsikt! Sjå føre deg ein innbydande skjergard i vestleg retning, i tillegg til dei ekstravagante fjella i meir austleg retning. Og nei, eg tenkjer ikkje på Melshornet, men fjella kring Ørsta og omegn, gjerne kalla Sunnmørsalpane. Dei kan rett og slett måle seg med kva som helst!

I jula fekk eg gått meg 5 turar i fjella heime, i godt lag med vekselvis familie, frendar og meg sjølv. Gode naturopplevingar på ulikt vis alle turane. Anbefalar å freiste lukka med turar aleine, sjølv om det er triveleg med lag! Ein legg merke til så utruleg mange flotte detaljar då! Ein får tid til å koble tankar oppover i skyene, ein ser gode foto-objekt - i det heile: Ein har det frævt i fjellet. Det kan mesta verte eit slagord, eller eit ordtak kanskje, om eg tek litt hardt i: "Frævt i fjellet". Ha. Den satt! Om enn ikkje spikra fast, så i alle fall laust, men godt. Men no lyt eg runde av her. Har fleire gjeremål på trappene! Rundar av med nokre glimt frå turane. Det fyrste er forresten frå Mosvarden, mot fagre sunnmørsalpar.

Mosvarden: Kris og eg kosar oss. 360' med miniski, men skia låg att!

Skafjellet på solovandringa mi. Trolsk skoddedis. Flott, man!

Utsikt frå Kongen på Lågskjervene i skumringa. For ein himmel!

Jul - Fridomstid

2006-01-04T18:07:00.000+01:00

Signa godt år, frendar! Eg hugheilar dykk alle djupt inn i hjarterota! Ikkje alle like djupt inn da. Ikkje Kjell Tormar og Vigdis-Petra, men elles gjeld det alle. Dei også forresten. Det hjalp å skrive det. No er eg tom for hat. Forresten, eg hadde ikkje noko hat når eg tenkjer meg om. Er visst berre litt inspirert av ei sær bok eg har lese i jula. Doppler. Sært. Men frævt. komm..nei..Punktum.

Det har vore framifrå å lade batteria for eit nytt semester ved å rangle dag etter dag her heime på Sunnmøre, etter dagar med ski, svevn og familiære aktivitetar. Rett og slett gildt. Kombinasjonen fri & Hod (Ja, Hareidlandet) er fræv! No har eg 4 dagar att her heime. I dag har eg faktisk måtta gjort skulearbeid, i samband med ei KRL-oppgåve om KRL-faget. Resten av dagane skal eg nyte, vonleg med ein tur på ski, familie, frendar, åremålsfeiring for Kristian, spel, osv. Søndag ber det ned til Bergen att i kjevla mi! Fyrste langtur, med Knut og turtelduene som gjestar, pluss baggasje frå heile bygda. Mandag tek altså kvardagen til... Men det er kjekt det og! Enno meir sosialisering, her kjem eg! ;-) KRIK, skule, Norkyrkja, frendar, stoder - frævleik! Biletet er eit glimt frå strandafjellet 2. juledag. Kjempedag! Fint bilete, Johannes. Takk!

Tanzania med Global-KRIK

2005-12-10T15:41:00.000+01:00

Tanzania, her kjem eg! Jippi!

Eg har vore så heldig at eg kom igjennom nålauget, og fekk plass på student-KRIK Bergen sitt Global-KRIK "tim", som skal reise sørover i 2 veker i månadsskiftet juni/juli. Me er 4 stykker som reiser nedover, 2 gutar og 2 jenter. Mari, Julie, Roman og meg. I januar starta planlegginga av kva me skal gjere der nede. Eg gler meg stort! Tenk å få vere med på noko slikt!!

Det kjem garantert meir om dette emnet i bloggen seinare!

Joleverkstad i Pavelsvei 25

2005-12-08T00:39:00.000+01:00

Tirsdag 6. desember var det tid for den (hittil og littil) årlege joleverkstaden i Pavelsvei 25! Det var stor stas frå mandelen i grauten i 4-tida, til me avslutta i 1-tida. I mellomtida laga me 7 slag jolekaker og ei etter måten hinsides lang lekkje, frå enden av vår stove til enden av stova til tausene i kjellaren!

Lurer du på kva slag jolekaker me produserte? Jau det var jolemenn og kvinner, peparbukkar og pepartre, mintkuler, brente mandlar, marsipanlurar og andre kreasjonar, ein variant av riskaker med sjokoladetrekk og krumkaker. Ikkje noke fill her i garden nei!! Rettesleg gildt var det, frå ende til annan! Stor takk til Big Playah Ingrid Skillz for inspirasjon og pådrivingskrefter!

Fræv biletkunst

2005-12-07T23:37:00.000+01:00

Her har Frede teikna oss sambuarane. Er det ikkje flott vel? Me kosar oss her i Pavelsveg saman, med vitjingar og utflukter hist og her. Rett triveleg har me det, dag ut og dag inn!
Dette biletet er å skode også på vår inngangsdør, så om du står utanfor og er usikker på om det er her dei rette karane bur, så er svaret ja:)
No vart det nok svada for dette innlegget! Meir meiningsfylte innlegg er på trappene!

Ny mellombels nettstad

2005-12-07T23:13:00.000+01:00

Hei kjære frendar! Velkomen skal dykk vera!
Som dykk kanskje har observert, har det vore etter måten lite liv på nettstaden min i det siste. Grunna ynskje om å utbetra nettstaden utan å kalre å setje av tid til det, har eg ikkje fått gjort det enno. Men det er av nyårsforsetta mine, så vonleg kjem eg sterkt på bana på nyåret!

Slik! Då har eg fått brukt litt meir tid på å ikkje førebu meg til eksamen ved å opprette denne skrftstaden her, såkalla "blog" på folkemunne. I dagane framover vil det vonleg for omverda kome ein del mindre seriøse innlegg om hist og pist. Lær. Lytt. Læs. - Med fræs!